Дэлхий дахинд нөхцөл байдал ямар байгаа талаар Эрүүл мэндийн яамны Гадаад харилцаа, хамтын ажиллагааны хэлтсийн дарга Б.Янжмаа мэдээлэл хийлээ.
Тэрбээр “Ковид 19 халдвар Америкийн бүсэд нэмэгдэж байна. Үүнтэй холбогдуулж ДЭМБ-ын Америкийн бүсийн захирал хэвлэлийн бага хурлын үеэр “Одоогийн нөхцөл байдалд үндэслэж математик загварчлал хийхэд
– Өмнөд Америкд Чил, Колумбо улсад 07 сарын дунд үед
– Аргинтин, Бразил, Перу улсад 08 сард цар тахлын оргил үе тохиох тооцоолол гарч байна.
Түүнчлэн ковид 19 халдварын шалтгаант нас баралт 10 дугаар сар гэхэд Латин Америкийн улсуудад 438.000 хүрэх төлөвтэй байна. Иймд тивийн улсууд дээрх тооцооллыг анхаарч, дээрх тооны нас баралтаас урьдчилан сэргийлж, зайлсхийх талаар бүхий л хүчин чармайлта дайчилж, цар тахлын хариу арга хэмжээний стратеги төлөвлөгөөндөө тусгаж ажиллахыг анхааруулж байна” гэжээ.
АНУ-д өчигдөр 35.600 гаруй халдварын тохиолдол, 370 нас баралт шинээр бүртгэгдсэн байна. Нийт халдвар авсан хүний тоо 2.5 сая гаруйд хүрсэнээс 126.700 гаруй хүн энджээ.
Бразилд өчигдөр 33.800 гаруй халдварын тохиолдол, 1280 нас баралт шинээр бүртгэгдсэн байна. Тус улсын нийт батлагдсан халдвар 1.4 сая гаруй болж, 59.500 гаруй болжээ. Тус улс дэлхийн хэмжээнд нас баралт болон өвчлөлөөрөө хоёрдугаарт орсон хэвээр байна.
ОХУ-д нийт тохиолдол 67800 гаруй, үүнээс нас баралт өссөн дүнгээр 9.320 байгаа. Тус улс халдварын тохиолдлын тоогоор дэлхийн хэмжээнд 3 дугаарт бичигдэж байна.
БНЭУ-д өчигдөр 18.500 гаруй халдварын тохиолдол шинээр бүртгэгдсэн байна. Тус улсын нийт халдвар өссөн дүнгээр 566.800 гаруй болж, дэлхийн хэмжээнд 4-т бичигдэж байна. Мөн өдөр шинээр 418 нас баралт бүртгэгджээ.
Австрали улсын Вектория мужид өнгөрсөн 7 хоногоос эхлэн халдвар дахин шинээр олноор бүртгэгдэж байна. Өнгөрсөн пүрэв гарагаас эхлэнд мужийн хэмжээнд 237 тохиолдол батлагджээ. Үүнтэй холбогдуулж халдварын тархалтыг хумих зорилгоор энэ лхагва гарагаас эхлэн тус хотод хэсэгчилсэн байдлаар хөл хорио тогтоох шийдвэр гаргажээ. Уг шийдвэрийн дагуу 300.000 гаруй хүн гадагш гарахгүй гэрийн хөл хорионд орно.
БНСУ-д өчигдөр 50 халдварын тохиолдол шинээр бүртгэгджээ. Үүний 36 нь дотоодын халдвар бөгөөд 9 нь Сөүл орчмын бүсэд бүртгэгджээ. Одоогийн байдлаар тус улсын хэмжээнд 956 хүн тусгаарлалтад байна. Тус улсын бүртгэгдсэн нийт нас баралт 282 байгаа.
Хятад улсад 3 шинэ тохиолдол бүртгэгдлээ. Бүгд дотоодын халдвар бөгөөд Бээжинд бүртгэгджээ. Энэ өдөр шинж тэмдэггүй халдвар болон гаднаас зөөвөрлөгдсөн халдвар бүртгэгдээгүй байна* гэжээ.
