“Монгол дахь барилга байгууламжийн эрчим хүчний үр ашгийг дээшлүүлэх зорилгын дор зохиож буй “Орон нутагт эрчим хүчний үр ашгийг дээшлүүлэх үйл ажиллагааны төлөвлөгөө боловсруулах” төвийн бүсийн сургалт 2022.05.12-ны өдөр Төв аймгийн Зуунмод суманд эхэллээ.
Тус сургалтад Төв, Өмнөговь, Дундговь, Өвөрхангай аймгийн удирдлагууд, ЗДТГ, Газрын харилцаа, барилга, хот байгуулалтын газар, Эрчим хүчний зохицуулах зөвлөл, төрийн болон хувийн хэвшлийн байгууллагын төлөөллүүд оролцлоо.
Орон нутагт эрчим хүчний үр ашгийг дээшлүүлэх чиглэлээр хэрэгжүүлэх арга хэмжээ, хэмнэлттэй ажиллагааны төлөвлөгөө боловсруулах асуудлын хүрээнд оролцогч нар мэдээлэл сонсож, туршлага солилцов.
Сургалтын үеэр аймгуудын ГХБХБГ-т барилгын дулаан алдагдлыг хэмждэг багаж болох “Дулааны камер” хүлээлгэн өглөө. Дараагийн сургалтыг Хэнтий аймагт зохион байгуулна.
