Эрүүл мэндийн сайд С.Энхболд коронавирусийн халдварын эсрэг вакцины анхны тунгаа тариуллаа. Эрүүл мэндийн сайд Энэтхэг улсаас авчирсан АстраЗенека вакциныг тариулж байгаа бөгөөд 28 хоногийн хугацаатай хоёр тунгаар тариулна.
Тэрбээр, “AstraZeneca* вакцины 150.000 тун буюу 75.000 хүнд хийнэ. Нэг хүнд 2 тунгаар хийнэ. Эхний тунг Ерөнхий сайд хийлгэлээ. Хоёр дахь тунг миний бие эрүүл мэндийн салбарын ажилчдаа уриалж хийлгэлээ.
Өнөөдрөөс вакцинжуулалт эхэллээ. Эхний ээлжинд төр болон хувийн хэвшлийн 56.000 эмч, эмнэлгийн ажилчдад хийхээр төлөвлөсөн. Хоёр дахь ээлжинд хариу арга хэмжээний баг буюу онцгой, цагдаа, мэргэжлийн хяналтын албан хаагчдад хийнэ. Хуваарийн дагуу вакцинжуулалт хийнэ. 2021 оны намар гэхэд хүн амынхаа 60 хувийг вакцинжуулж дуусна* гэлээ.
ссс
