Маргаашаас эхлэн ААН-үүдийн 95 хувь нь үйл ажиллагаагаа нээнэ. Энэ үед ААН-үүд дагаж мөрдөх зохицуулалтын нийтлэг журмуудыг УОК, НОК-оос гаргасныг холбогдох албаны хүмүүс танилцууллаа.
Нийслэлийн хэмжээнд үйл ажиллагаа явуулдаг 10.000 орчим аж ахуйн нэгж байгууллагаас 20.000 гаруй аж ахуйн нэгж, мөн иргэний үйл ажиллагаа нээгдэнэ.
Мэргэжлийн хяналтын байгууллагаас өнгөрсөн оны 3 сараас эхлэн өнөөдрийг хүртэл эрүүл ахуйн халдвар хамгааллын дэглэмийг аж ахуйн нэгж байгууллага дээр мөрдүүлж, үйл ажиллагаа эхэлсний дараа мөрдөж ажиллах чиг үүргийг албан мэдэгдлээр хүргүүлжээ. Иймээс шууд үйл ажиллагааг нээх боломжтой гэнэ.
“Нэг хаалга-нэг шинжилгээ”-ний хүрээнд мэргэжлийн хяналтын 600 гаруй байцаагч ажилласан. Энэ хугацаанд зөрчил дутагдал гарсан талаар Нийслэлийн мэргэжлийн хяналтын гзрын дарга Л.Эрдэнэчулуун хэллээ.
Хоолны газрууд ширээ хоорондын зайг 2 метрээс багагүй байх бөгөөд хооронд нь шилэн болон хуванцар хаалтыг байрлуулах шаардлагыг тавьж байна. Харин караоке баарны хувьд тухайн өрөөний багтаамжийн 50 хувьтай тэнцэх хүнд үйлчлэх бөгөөд хоёр цаг тутамд агааржуулалт хийж, микрофоны хамгаалалтыг байнга сольж ажиллах юм.
Нийслэлийн зүгээс салбар хариуцсан газрууд харьяалах ААН-үүдэд хяналт тавих бөгөөд Нийслэлийн мэргэжлийн хяналтын газар салбарын хяналт хэрхэн явагдаж байгааг давхар хянах юм байна.
Халуун ус, саун, бассейн нээгдэж байгаа ч тусгай шаардлагыг тавих юм байна. Ингэхдээ хүний бөөгнөрөл үүсгэхгүй байх бөгөөд заавал цаг авч үйлчлүүлнэ. Үйлчлүүлсний дараа заавал халдваргүйжүүлэлтийг сайтар хийх ёстой.
