Өнөөдөр Хөгжлийн бэрхшээлтэй хүмүүсийн Олон улсын эрхийн өдөр. НҮБ-ын 1992 оны Ерөнхий Ассемблейн 47/3 тогтоолоор Хөгжлийн бэрхшээлтэй хүмүүсийн эрхийн өдрийг жил бүрийн 12-р сарын 3-ны өдөр тэмдэглэхийг тунхаглан зарласан билээ.
COVID-19 цар тахлын нөлөө дэлхийн өнцөг булан бүрт амьдарч буй хөгжлийн бэрхшээлтэй хүмүүст гүнзгий нөлөөлсөөр байна. Иймд НҮБ энэ жилийн эрхийн өдрийг ИЛҮҮ САЙНААР ЦОГЦЛООХ НЬ: ХӨГЖЛИЙН БЭРХШЭЭЛТЭЙ ХҮМҮҮСИЙГ ТЭГШ ХАМРУУЛСАН, ХҮРТЭЭМЖТЭЙ, ТОГТВОРТОЙ ЦАР ТАХЛЫН ДАРААХ ДЭЛХИЙН ТӨЛӨӨ уриан дор тэмдэглэн өнгөрүүллэхийг улс орнуудад уриалж байна.
Хөдөлмөрийн насны хөгжлийн бэрхшээлтэй иргэдийн 31.2 хувь нь ажилтай гэж бүртгэгдсэн ч ажил эрхлэлтийн байдлыг нь авч үзэхэд 47.3 хувь нь өрхийн бизнесийн оролцогч, 23.9 хувь нь бүтэн цагийн ажилтан, 13.0 хувь нь цалин хөлстэй түр ажиллагч нар байна.
Үүнээс харахад хөгжлийн бэрхшээлтэй иргэдийн 60 орчим хувь нь өрхийн бизнесийн туслагч, түр ажил эрхлэгч гэсэн орлогын баталгаагүй эх үүсвэртэй байна.
